Bets Smith in gesprek met Chanette Paul oor Droomwewer & Rooigety

Bets Smith skryf goed-voel ontspanningslektuur waar liefde en geluk seëvier. Haar vroeë werk sluit spanningsvolle en historiese romanses in, later gevolg deur spanningsverhale en knussies. Tans fokus sy op romanses met ’n tikkie geskiedenis. Sy gesels met Chanette Paul oor "Droomwewer" en "Rooigety".

Waar vind dit plaas?

Al die geleenthede vind by Laerskool Vorentoe se sportgronde plaas (ook bekend as die Laerskool Vorentoe Kampgronde) in Langstraat, Grootbrak plaasvind.

Wat van badkamers & parkering?

Daar is badkamers by die saal en daar is oorgenoeg parkering in Langstraat

waar karwagte vir die fees aangestel is.

Wat van drank en kos?

Jy mag ongelukkig nie jou eie alkohol saambring nie, maar daar is iets te drinke en te ete te koop.

Moet ek vir elke geleentheid apart kaartjies voor koop?

Ja. Jy kan die individuele geleenthede bywoon vanaf R70 pp. Daar is ook 'n Dagkaartjie vir al die gesprekke vanaf R350. Kaartjies is ook beskikbaar by die deur en Grootbrak Biblioteek. Die twee aandvertonings kos vanaf R150 p.p. en die Afsluiting en ontbyt op Sondag 9 Nov. vanaf R120 p.p.

Navrae by [email protected]