Lewende Woord Bloemfontein

Dink jou vir ’n oomblik in – kinders wat met groot entoesiasme op opblaasspeelgoed spring, ’n heerlike worsbroodjie om aan te smul, hope pret en laggies wat die lug vul, en praise & worship wat opklink.

Maar nog meer as dit – kinders wat die winter kan binnegaan met warm klere en ’n Bybel wat hul harte met hoop en liefde vul.

Lewende Woord Bloemfontein nooi alle laerskoolkinders uit na Jump for Jesus Night op Vrydag, 10 April 2026.

Dit gaan ’n middag vol pret, energie en geloof wees met opblaasspeelgoed, kosstalletjies, gesigverf en hope lag. Ons sluit die aand af met ’n spesiale aanbiddingsgeleentheid waar ons saam die Here aanbid.

Die hart agter hierdie projek is nie net om fisiese hulp te gee nie, maar ook om KruisKidz-kinders te leer om te dien, om te gee en om ’n verskil in hul gemeenskap te maak.

Deur hierdie aand wil ons geld insamel om winterklere en Bybels vir kinders in Engo-jeugsentrums te voorsien – sodat hulle nie net warm kan wees nie, maar ook die liefde van Jesus kan ervaar.

Kom spring, lag en aanbid saam met ons – en wees deel van iets wat ’n ware verskil maak.