Lize Beekman In Antwoord

Sanger-liedjieskrywer Lize Beekman keer op 28 Augustus 2026 terug na Bloemfontein met haar vertoning “In antwoord”.

Met haar kenmerkende diepte, warmte en poëtiese verhalende styl, voer sy ’n unieke gesprek met haar gehoor deur middel van musiek, briewe en gedigte in beide Afrikaans en Engels - woorde uit haar eie skryfpen en ook dié van ander.

Beekman weef nuwe en bestaande skeppings saam in ’n program wat tegelykertyd persoonlik én universeel is.

Saam met haar op die verhoog is Babette Viljoen (klavier, baskitaar & perkussie).

In antwoord beloof ’n mooi en rustige ervaring van woorde en musiek.