Liewe Heksie word gescam

Met Eldon van der Merwe, Mia van der Merwe

Liewe Heksie het ’n prys in ’n talentkompetisie gewen en Karel Kat wil haar leer om mooi na haar prysgeld te kyk. Haai oe, maar groot woorde soos finansies, rente en begrotings (of is dit nou bekleinings?) laat Levinia se kop draai. Karel gee vir Levinia ’n spaarvarkie, maar die nare Geelheks wil haar kloutjies op die geld lê. Karel besluit ’n bankrekening met ’n bankkaart sal veiliger wees, maar dalk nie vir Liewe Heksie nie, want o wee, Levinia kan nie altyd so mooi onthou nie... Tel en syfers het nog nooit onder haar talente getel nie en laat haar uitgelewer aan die nare bedrieërs.

Vervaardigers Start the Conversation, Arena Produksiehuis

Regisseur en skrywer Margit Meyer-Rödenbeck, na die karakters van Verna Vels

Musiek Luca Human

Ontwerp Gerrit Snyman (stel), Karon Botes (kostuums), Michay Winter (maskers)

Verhoogbestuur Erynn Troup

Met die ondersteuning van Start the Conversation.