Kunskoors - DUIWELSBROOD deur Annelie Botes

DUIWELSBROOD

Deur

ANNELIE BOTES

Annelie Botes word beskryf as ‘onverbiddelik eerlik met opregte menslikheid.’ Dit is wat ons vind in DUIWELSBROOD, ‘n ope boek oor tekortkominge en verslawing.

Met Hester Verster, ‘n Wiskunde onderwyseres, se eerste besoek aan ’n dobbelhuis word sy vasgevang in die kloue van die DREAM PALACE.Sy het werklik alles gehad, maar deur haar swakheid het sy haarself en haar familie totaal vernietig. Die verslawing verander haar in ’n leuenaar wat alles begin verkoop. Haar man se lewe was hel tot op ’n dag wat hy net nie meer kon nie, en hy haar wegjaag.

Sy het haar eerste nag op straat deurgebring en die volgende oggend beland by Miss Plessis se ‘boarding house in Kareepark’. ‘n Perlemoendief, emfiseemlyer, straatprediker, en sy Hester Verster, n dobbel opdrifsel.

Hier ontdek sy dat “mense mekaar regop hou”. Miss Plessis se ‘omgee’ was Hester se genesing.

Duiwelsbrood is werklik ‘n insig in die lewe , die liefde en pyn van die skepsel genaamd mens. Hierdie skryfwerk is ‘n juweel wat met alle gehore gedeel moet word.