Kunskoors - HANS bars die bioborrel

‘Hans bars die bioborrel’ - 'n skreeusnaakse nuwe Afrikaanse produksie

Maak gereed vir die teaterervaring ‘Hans bars die bioborrel’. Dié splinternuwe Afrikaanse

avontuur-komedie, gegrond op die topverkoper boek van Rudie van Rensburg en verwerk

deur bekroonde Wim Vorster, beloof om gehore van begin tot einde te vermaak.

Regie deur die dinamiese duo van Émil Haarhoff en Barend Mynhardt, en met Tiaan Slabbert

in die hoofrol, vertel ‘Hans bars die bioborrel’ die verhaal van Hans, 'n lieflike maar ondeunde

karakter wat hom in ‘n stryd vind met die drakoniese reëls van sy tehuis se interne bevelsraad

tydens die vlak 5-inperking.

Terwyl Hans probeer om die raad en sy nuwe leier, Altoon Ahlers, uit te oorlê, volg

skreeusnaakse nagevolge. Met sy spitsvondige dialoog, fisieke komedie en lighartige humor

is ‘Hans bars die bioborrel’ die perfekte teenmiddel teen die spanning van die alledaagse

lewe.

Volgens Leftfoot Theatre Productions is hulle verheug om hierdie skreeusnaakse nuwe

produksie na die verhoog te bring. Met talentvolle rolverdeling, slim draaiboek en kundige

regie is Leftfoot vol vertroue dat 'Hans bars die bioborrel’ gehore van alle ouderdomme sal

oorrompel.

‘Hans bars die bioborrel’ speel vir 90 minute met geen pouse nie. Die produksie word in

Afrikaans opgevoer.