Stemme uit die verlede: Briewe wat stories vertel

Dr. Lisel Joubert (fakulteit teologie) vertel argivale navorsing gaan meestal nié oor wat jy soek nie, maar oor wie jóú vind: die stemme wat vasgevang is in persoonlike briewe, joernale en sendingnuusbriewe. Aan die hand van die pioniersendeling Martha Murray se briewe (1890’s-1910) verduidelik dr. Joubert die beginsels van “life writing”. Cecile Murray-Louw lees voor uit Martha se briewe. Na afloop van die aanbieding is daar ’n uitstalling van historiese briewe en foto’s. Koffie en melktert beskikbaar (op eie koste).