Koesterkos

Aangebied deur Naledi

Ná die sukses van Storiekos is Frik de Jager, die gewilde kok en storieverteller wat gereeld in RSG se Klets en kook verskyn, terug met ’n tweede kookboek. In Koesterkos deel Frik geliefde resepte wat kom uit sy ma, Hermana, en ouma Lenie se resepteboeke wat dateer uit 1914 tot 1989. Frik onthou en koester gunstelinggeregte uit sy kinderjare wat die nostalgie en die verlange saam met die lus sal aanwakker. Sit aan vir ’n keurige vyfgangete wat 75 jaar van plaaslike kostradisies en kookprosesse weerspieël, terwyl Frik ook stories, staaltjies en smake uit Koesterkos deel.