Praating boeke met Peach van Pletzen

Peach van Pletzen bring sy gewilde YouTube-geselsprogram Praating na die Woordfees, waar hy met bekende lesers oor boeke gesels. Die bittereinder en boekwurm Jaco van der Merwe, leading man en leesverslaafde Beer Adriaanse en skrywer en TV-ster Veronique Jephtas praat met Peach oor die boeke wat hulle diep geraak, koud gelaat of hard geslaan het. Hulle onthou die boeke wat hulle leessmaak help vorm het, die boeke waaruit hulle baie geleer het, en die boeke wat ’n mens weer en weer kan lees, asook die skrywers wat soos vriende, mentors en vertroude gespreksgenote voel.