Skrop

ABOUT

Vihaan is nog altyd anders. Nie net omdat sy sonder ‘n baarmoeder gebore is nie. Hardkoppig, ongemaklik en ongepoets is hoe haar ma haar sou beskryf. Iemand wat in die buitekring van ander vroue staan, maar nooit deel van die binnekring sal vorm nie. Iemand wie se vreemdheid ‘n ongemak kweek; veral in haar ma.

Maar wanneer Eric, haar langpad kêrel en troefkaart teen die bevraagtekening van haar vroulikheid, haar skielik los met redes vaag en onbekend: “Escaping your comfort zone is half the journey – and why are there feathers everywhere?” probeer ‘n histeriese Vihaan die mislukkig en verskeie los drade van haar ‘andersheid’ versteek.

En soos Erich stuk-stuk deur hulle (nou haar) woonsteldeur wals om sy panne en sy potte en sy boeke en sy meubels en sy fiets en sy airfryer te vat, voel Viaan hoe die holte waar haar baarmoeder moes wees, in ‘n loodballon verander. Terwyl sy in haar nóú leë nes rondfladder in afwagting van haar ma se onvermydelike oordeel en die noodlot wat sy nie kan ontsnap nie, hoop die vere in haar woonstel op. Terwyl sy skrop en krap en haar vlerke klap. 

DIRECTIONS