Boekbekendstelling met Antjie Krog

ABOUT

Inligting oor die geleentheid:

MCM se skryf- en fotografieskool se nuutste boek "Da's nog soveel meer" se vrystelling beloof om 'n besondere gebeurtenis te wees. Die bekroonde Antjie Krog het die voorwoord vir hierdie boek geskryf en kom behartig die bekendstelling as eregas. Daar sal boeke by die geleentheid te koop wees.

Kaartjies sluit 'n heerlike, aansit maaltyd in. Daar sal ook 'n paar besondere items opgeveil word.

Inligting oor die boek:

In 'n tyd waarbinne die verleiding van roem en rykdom die mensdom oorneem, wek MCM se Kuns en Kultuurskool die stemme van die marginale en onopgemerktes tot lewe. Hierdie mense, wat soms deur die samelewing as die stemloses gesien word, bring die essensie van die menslike bestaan in Paarl-Oos na vore deur hul kragtige beelde en woorde.

__________________________________________

MET 'N AANEENSKAKELING VAN KLEURRYKE WOORDE EN DEURSIGTIGE BEELDE VERKEN "DA’S NOG SOVEEL MEER" DIE VERSKILLENDE RUIMTES WAARIN MENSE VAN DIE PAARL FLATS HUL LEWENS LEI, DIKWELS GEKENMERK DEUR UITDAGINGS EN MOEILIKHEID. DIE BUNDEL BIED OOK 'N BLIK OP DIE SKOONHEID EN ASEMROWENDHEID VAN DIE MENSLIKE BESTAAN, TE MIDDE VAN HIERDIE SUKKEL-BESTAAN.

"DA’S NOG SOVEEL MEER " IS 'N VIERING VAN DIE ONVERGELYKBARE KRAG VAN POËSIE EN FOTOGRAFIE EN 'N OPROEP TOT SELFONTDEKKING EN SELFVERSTAAN IN 'N TYD WAARIN ONS ALMAL DIEP VERLORE KAN VOEL. LAAT MCM SE DIGTERS SE EERLIKE, EENVOUDIGE EN OPREGTE VERSE EN BEELDE JOU MEESLEUR OP 'N REIS NA DIE KERN VAN DIE MENSLIKE SIEL EN DIE VERANDERING WAT DIT TEWEEG KAN BRING IN DIE WÊRELD OM ONS.

DIÉ BUNDEL IS INGEDEEL IN DRIE VERBEELDINGSDORPE. DIE LESER GAAN OP REIS DEUR DIE DORPE WAT HOM EN HAAR NEEM VANAF ‘N VERVALLE “DONKE PLEK LANGSIE GHUFFIE”, DEUR ‘N DORP IN DIE MIDDEL WAT AMPER ALLEDAAGS VOEL, EN EINDIG IN ‘N EUFORIESE PARADYS WAAR DIE SIEL TOT RUS KAN KOM.

__________________________________________

MCM is 'n organisasie wat die gemeenskap van Paarl bedien. Ons fokus op holistiese ondersteuning deur middel van verskeie programme en dienste wat die geestelike, fisieke, en sosio-ekonomiese behoeftes van kinders, jeugdiges, gesinne, en daklose individue aanspreek.

DIRECTIONS