Treffers vir Tannies - MyMyMy Band
Thu Sep 21, 19:00 - Sat Oct 7, 20:00
Toneelhuis
ABOUT
Die alternatiewe synth pop duo, Mymymy, vier die vrystelling van hul eerste album Treffers vir Tannies met ‘n reeks vertonings by Toneelhuis 21 tot 23 September en 5 -7 Oktober.
Treffers vir Tannies is ‘n tergende viering van klank, ‘n pastiche van potensiële treffers wat in der waarheid nooit ‘n trefferparade sal sien nie. Dit is ‘n ode aan radiodramas, sepies en techno. Verwag oomblikke van teerheid, melodrama en oppervlakkige geluk.
Mymymy se unieke klank staan gewortel in elektronika: ‘n nostalgiese Synth Pop estetika, met ‘n fokus op sintetiseerders se verbysterende diepte. Maar met Treffers vir Tannies word daar ook gedelf in ‘n nuwe klankwereld geinspireeer deur radiodramas, film noir en die eindelose sentimentaliteit van Broadway musicals.
Conrad van Breda (Klawerbord en Sintetiseerders) en Jana Oosthuizen (Stem) word bygestaan deur gaskunstenaars Paul-Samuel Rheeder (SAMPAULE) en Rynhardt van Blerk (Cloud Witness). Alastair Campbell versorg die visuele projeksies.