MA Final Exam - Lungile Lalie

CTDPS presents the final performance piece of MA T&P Student Lungile Lalie.

This performance piece is a site specific performance with very limited viewing numbers. The performance is cyclical and is approximately 10 minutes long. The performance will repeat for a full hour. Audience members need only view a single 10 minute performance.

Lo msebenzi uphuma kwincwadi ka Dr Nokuzola Mndende ethi Umthonyama. Emthonyameni kulapho sidibana khona nezinyanya zethu. Kulapho zikhe zahlala khona zonke iinkomo zekhaya. Emthonyameni kulapho sisebenzela khona, kulapho siziqokelela khona. Emthonyameni siyanqula, siyacela, sicenga, siyangxengxeza.

Thina ke, asingomagoduka, kuthi umthonyama useXhantini, usezitliziyweni nasemiphefumlweni yethu, usemnculweni, nasemthandazweni, ngoba akho ndawo siyihambayo ngaphandle kokhuseleko lookhokho bethu, nokhanyiso luka Qamata. Thina, mathole akwaXhosa, sizokuqhayisa ngeziphiwo ezisuka kookhokho bethu. sizokudlisela ngobuXhosa bethu, songeze, sivumela intando yendalo isikhokele, siphuphe ngexesha elizayo. Naba ooCamagwini, ooBuhlebendalo, ooKing Tha besibopha amanxeba, besikhumbuza imvelaphi, besinqanda kwimikhuba yasentshona, besiyala ukuze sizingombe isifuba, sibenebhongo ngobuXhosa. Nabo beyincance kooMakeba nooMadosini. Ngoba ingoma irhazula inyama, ichaphazele intliziyo kunye nomphefumlo. UbuXhosa bethu abunakubotshelelwa kwimiqathango engasidibanisiyo sonke singamaXhosa. Kaloku nangona silawulwa yindlela yesintu, ledlela ikhetwe sithi, kwaye ihanjwa sithi. Siphethe izixhobo eziqhelekileyo, nezinqabileyo, eziphuma kwaXhosa nezize ngenqanawa. Asithembisi zimpendulo, koko sizokongeza imibuzo.

?Asithi singcono kunezinye iintlanga, kuba nazo zilenzile elazo igalelo kwesisidlo sethu. Asizangazokufundisa, kuba nathi singabafundi. Asizangoku fezekisa amadinga. Asizangoku sombulula iimfazwe zamandulo. Asizangokuphilisa, ichiza lesintyliziyweni le yakho, ndithi nexhwele alinayeza lokunyanga onke amadabi alomhlaba. Sizokuziphosa kolulwandle lwezinto ngezinto ngethemba lokuphama izandla zizele.