Refentse @ De Harte Venue
Sun Oct 25, 16:00 - Sun Oct 25, 18:00
De Harte Venue
ABOUT
REFENTSE NOOI JOU NA ‘N SIELSDIEPE
VERKENNINGSTOG, VERSKUIF GRENSE MET
“WANDEL IN MY WONING”
Refentse se blinknuwe album, “Wandel in my woning” is ‘n meesterstuk van
kleurryke diversiteit – een wat jou innooi na die diepste kamers van sy hart.
Dit wys dat hy volstoom aanhou om musiek te maak vir lekker kuier, maar ook dat
hy oorgehaal is om dit wat ons van musiek en liriek verstaan uit te daag, werklik
nuut te skep en grenslyne met reusespronge te verskuif.
In die elf snitte wat die album omvou, word die liefde gevier, gemeenskaplike
grond verken, die goeie in die lewe geniet, stereotipes gekonfonteer en die soeke
na dit wat dieper en hoër as onsselfis met ‘n treffende broosheid en egtheid in
woord en melodie vasgelê.
Die album is net so ryk aan taal- en musiekstyl-verskeidenheid as wat dit aan
inhoud is, met Afrikaans, Engels, Sesotho, Zulu, rock, boeremusiek, mbaqanga,
reggae, techno, alternative, rock ‘n roll, ‘n goeie dosis kletsrym en meer wat
saam om een vuur sit en kuier en deurgans verras met ongewone progressiesen
onverwagte wendings. Dis tegelyk diep poëties, eksperimenteel, tong in die kies
en loslit-lekker!
Snitte soos “What a boytjie”, “Daai deng”, “Sannie die loopdop” en “Dans Meraai” is
gerat vir ‘n amper onverantwoordelik lekker partytjie, terwyl – aan die ander kant
van die spektrum – snitte soos “LeweBoerkind”, “Johannes” en die aangrypende
“Stormnag” nie skroom om tot in die diepste diep te delf nie. Die middel van dié
twee pole word uitstekend gevul deur onder meer “Wondervrou” en “Trippe
Trappe Trone”, waarop die titel van die album gebasseer is.
“Wandel in my woning” is ‘n juweel van nuutskeppings en die verpersoonliking
van eenheid in diversiteit – ‘n album wat jou versameling sonder enige twyfel sal
verryk... en jou nie dieselfdemens aan die ander kant van die luister sal laat
uitstap nie.
Koop jou kaartjie vandag nog, nooi jou vriende en kom maak sommer 'n tafel vol.
Hekke open om 13h00 die middag, jy kan dan rustig kom sit en kuier by die Kontant Kroeg.
Daar sal springkastele wees vir die kinders.
Kos stalletjie sal op die gronde wees as jy honger raak asook 'n LEKKER KOFFIE stalletjie!
Kaartjie pryse as volg:
Volwasse Kaartjie @ R 180 p/volw
Junior Kaartjie (onder 12 jaar van ouderdom) @ R 120 p/kind
Kinders onder 7jaar van ouderdom word gratis toegelaat
Tafel besprekings word aanvaar slegs as volle tafel volgemaak kan word.
GEEN DRANK WORD VERKOOP OF BEDIEN VIR PERSONE ONDER DIE OUDERDOM VAN 18JAAR!!!
Sien jou daar!!!