Netwerk24 en Die Burger se 2026 Wynproefees

Het jy gehoor? Netwerk24 en Die Burger wil wéér die glase klink en jy is uitgenooi!

Kom geniet op 30 Mei 2026 die goue seisoen in die Kaap saam met Netwerk24 en Die Burger, in samewerking met hul vennoot Meerendal, en van die Kaapse Wynland se voorste wynlandgoedere!

Kom proe heerlike wyne uit die Wes-Kaap se wêreldbekende wynstreke – alles onder een dak op die prentjiemooi wynlandgoed Meerendal. Kaartjies kos R350 per persoon en sluit ’n wynglas in, sowel as die geleentheid om al die uitstallers se wyne te proe. Daar sal ook wyn verkoop word om gedurende die dag op die grasperk te geniet – of om huis toe te neem. Verlede jaar se wynproefees was 'n fees en dit beloof om vanjaar weer 'n luilekker kuier met goeie wyn te wees.

Al die deelnemende produsente wat hul wyne op die dag gaan ten toon stel sal eersdaags bekend gemaak word.

Kom kuier saam en klink 'n glas op herfs in die Kaap, sowel as al die bobaas-wyne wat vanuit hierdie streek kom. Ons hoop ons sien jou daar!

Wat moet jy weet?

Wanneer: Saterdag 30 Mei 2026

Tyd: 11:00 tot 17:00

Waar: Meerendal-wynlandgoed, Durbanville

Koste: R350 per persoon

Meer inligting: Stuur e-pos aan [email protected]